CDM Support Team Mandalay
CDM Support Team Mandalay – CSTM သည် မန္တလေး အခြေစိုက် အရပ်ဘက်လူထုအဖွဲ့အစည်း တစ်ခုဖြစ်ပြီး မန္တလေးတွေ ရှိသော CDMers များကို အဓိကထား ထောက်ပံ့ပေးနေသော အဖွဲ့တစ်ခု ဖြစ်သည်။
CSTM အဖွဲ့သည် ၂၀၂၁ ဖေဖော်ဝါရီလမှ စတင်ကာ ပြည်သူ့ဝန်ထမ်း CDM သူရဲကောင်းများအား တစ်ဖက်တစ်လမ်းမှ အထောက်အကူပြုနိုင်ရန် ထောက်ပံ့ချီးမြှင့်နေသော အဖွဲ့အစည်း ဖြစ်ပါသည်။
၂၀၂၂ ခုနှစ်၊ မေလ ၂ ရက်နေ့တွင် CSTM မှ (၇) ကြိမ်မြောက် CDM ဝန်ထမ်း ထောက်ပံ့နိုင်ခဲ့သည့် စာရင်းကို ထုတ်ပြန်ခဲ့သည်။
ဆက်စပ်ဖြစ်စဉ်များ
သက်ဝင်အားကောင်းဆဲ နွေဦးလူထု လှုပ်ရှားမှု
၂၀၂၁ ခုနှစ် ဖေဖော်ဝါရီလ ၁ ရက်တွင် အကြမ်းဖက် စစ်အုပ်စုမှ စစ်အာဏာသိမ်းခဲ့ပြီးနောက် ဖေဖော်ဝါရီလ ပထမပတ်မှ စတင်၍ စစ်အာဏာသိမ်းမှု ဆန့်ကျင်ရေး လူထုသပိတ်များ နိုင်ငံအနှံ့တွင် ပုံစံမျိုးစုံဖြင့်ပေါ်ပေါက်ခဲ့ပါသည်။ ဆန္ဒဖော်ထုတ်မှုများ၊ သံပုံးတီးခြင်း၊ ဖဲကြိုးနီလှုပ်ရှားမှု၊ CDM လှုပ်ရှားမှု အစရှိသည့် အကြမ်းမဖက်သော လှုပ်ရှားမှုများဖြင့် စစ်အာဏာသိမ်းမှုကို ဆန့်ကျင်ခဲ့ကြသည်။ စစ်အာဏာသိမ်းပြီးနောက် (၂၂) ရက်အကြာ ဖေဖော်ဝါရီလ ၂၂ ရက်တွင် “၂၂၂၂၂” လူထုသပိတ်ကြီးကို ဆင်နွှဲခဲ့ပြီး နိုင်ငံတစ်ဝှမ်း လူ သန်းနဲ့ချီပြီး စစ်အာဏာသိမ်းမှုကို ဆန့်ကျင်ခဲ့ကြသည်။
မန္တလေးဒေသ ကြားကာလနိုင်ငံရေး အစီအမံရေးဆွဲရေး လုပ်ငန်းစဉ် ထုတ်ပြန်
မန္တလေးဒေသတွင် လက်ရှိ တော်လှန်ရေးကာလ (ကြားကာလ) အတွက် ဖြစ်သင့်ဖြစ်ထိုက်သည့် ကြားကာလ နိုင်ငံရေးအစီအမံ (Interim Political Arrangement) တစ်ရပ် ပြင်ဆင်ဖော်ထုတ်ရေး လုပ်ငန်းစဉ်အားမန္တလေးတိုင်း လွှတ်တော်ကိုယ်စားပြု ကော်မတီ (CRMH) နှင့် မန္တလေးဒေသ တော်လှန်ရေးအင်အားစုများက ဇူလိုင် ၁၂ ရက်တွင် ထုတ်ပြန်လိုက်သည်။