လစ်သူရေးနီးယားနိုင်ငံခြားရေးဝန်ကြီး Gabrielius Landsbergis နှင့် အမျိုးသားညီညွတ်ရေးအစိုးရ – NUG ဝန်ကြီးများ စက်တင်ဘာ ၂၂ ရက်တွင် တွေ့ဆုံခဲ့သည်။ တွေ့ဆုံမှုအတွင်း NUG နိုင်ငံခြားရေးဝန်ကြီးက မြန်မာ့အရေးနှင့် ဒေသတွင်းဖွံ့ဖြိုးမှု ချိတ်ဆက်နေမှု၊ ကမ္ဘာတစ်ဝန်း ဒီမိုကရေစီ အကြပ်အတည်းဆိုက်မှုများနှင့် ချိတ်ဆက်နေမှုအား ရှင်းလင်းခဲ့သည့်အပြင် ဒီမိုကရက်တစ်နိုင်ငံငယ်များ၏ အခန်းကဏ္ဍ အရေးပါမှုနှင့် ပူးပေါင်းဆောင်ရွက်နိုင်မည့် ကိစ္စများ ဆွေးနွေးခဲ့သည်။
ယင်းတွေ့ဆုံမှုအား ကုလသမဂ္ဂ ညီလာခံ ကျင်းပနေသည့် နယူးယောက်မြို့၌ ပြုလုပ်ခြင်းဖြစ်ကာ NUG သည် မြန်မာ့အရေး ထောက်ခံသည့် အမေရိကန်၊ တီမောနိုင်ငံ တာဝန်ရှိသူများ၊ သမ္မတများနှင့်လည်း ဆက်တိုက်တွေ့ဆုံထားသည်။