အာရက္ခတပ်တော် (AA) က ရခိုင်ပြည်နယ် တောင်ပိုင်းစွန်းမြို့ ဖြစ်သည့် "ဂွ" မြို့ အခြေစိုက် ခြေမြန်တပ်ရင်း (၅၆၂) နှင့် (၅၆၃) တို့အား ထိုးစစ်ဆင်ပြီးနောက် ဒီဇင်ဘာ၂၉ ရက်တွင် အပြီးတိုင်သိမ်းယူနိုင်ခဲ့ပြီ ဖြစ်ကြောင်း ကြေညာလိုက်သည်။
နှစ်ပတ်ကြာထိုးစစ်ဆင်ခဲ့ရာ အကြမ်းဖက်စစ်အုပ်စုဘက်မှ အင်အား ၁,၂၀၀ ကျော်ဖြင့် အပြင်းအထန် ခုခံခဲ့သော်လည်း မြို့သိမ်းပြီးနောက် တပ်မ (၁၁) တပ်မမှူး ဗိုလ်မှူးကြီး သန်းစိုးဝင်း သေဆုံးခဲ့ကာ တပ်ရင်းမှူးအချို့လည်း သေဆုံးခဲ့ပြီး ၇၀၀ ထက်မနည်း သေဆုံးခဲ့ကြောင်း ထုတ်ပြန်ချက်၌ ပါရှိသည်။
ရခိုင်ပြည်နယ်၌ မြို့နယ် ၁၇ မြို့နယ် ရှိသည့်အနက် ဂွ အပါအဝင် ၁၄ မြို့နယ်အား အာရက္ခတပ်တော်က သိမ်းပိုက်ထားကာ စစ်တွေ၊ ကျောက်ဖြူ၊ မာန်အောင်မြို့တို့ကိုသာ အကြမ်းဖက်စစ်အုပ်စုဘက်က ထိန်းချုပ်ထားနိုင်တော့သည်။
