စစ်အာဏာရှင်စနစ်အား ဆန့်ကျင်သော ညီညွတ်ရေးတပ်ပေါင်းစုတစ်ရပ် လိုအပ်ချက်အရ လူငယ်နိုင်ငံရေးတက်ကြွလှုပ်ရှားသူများ၊ လူမျိုးစုလူငယ်များ၊ ကျောင်းသားသမဂ္ဂဝင်ဟောင်းများ၊ နွေဦးတော်လှန်ရေး၌ ပေါက်ဖွားလာသည့် ဒေသခံတော်လှန်ရေးတပ်ဖွဲ့များ(Local PDFs) ၊CDM ပြည်သူ့ဝန်ထမ်းအဖွဲ့အစည်းများ၊ လူငယ်သမဂ္ဂနှင့် လူငယ်တော်လှန်ရေးအဖွဲ့အစည်းများ ပါဝင်သည့် လူမျိုးပေါင်းစုံပြည်သူ့ညီညွတ်ရေးတပ်ဦး(People's United Front) ကို ဖေဖော်ဝါရီ ၁၀ ရက်တွင် မူဝါဒသုံးရပ်ဖြင့် ဖွဲ့စည်းလိုက်သည်။

ချမှတ်ထားသည့်မူဝါဒနှင့် ကိုက်ညီကာ ဘုံရန်သူဖြစ်သည့် စစ်အာဏာရှင်အား တော်လှန်တိုက်ပွဲဝင်မည့် မည်သည့်လူပုဂ္ဂိုလ်၊ အဖွဲ့အစည်းနှင့်မဆို လက်တွဲပူးပေါင်းတိုက်ပွဲဝင်မည်ဟု PUF က ကြေညာထားကာ (၁)စစ်အာဏာရှင်စနစ် (စစ်သုံးစစ်) အပြီးတိုင် ဖျက်သိမ်းရေး၊ လူမျိုးပေါင်းစုံ လူထုတရပ်လုံး လုံးဝလွတ်မြောက်ရေး၊ တော်လှန်ရေးအဖွဲ့အစည်းများအားလုံး သွေးစည်းညီညွတ်ရေးအား မူဝါဒအဖြစ် ချမှတ်ထားသည်။