စစ်ကိုင်းဖက်ဒရယ်ကောင်စီ (ရှေ့ပြေး) ဖွဲ့စည်းနိုင်ရေးအတွက် ကိုယ်စားလှယ်အဖွဲ့အား အစုအဖွဲ့ ငါးခုမှ ကိုယ်စားလှယ် ၃၅ ဦးဖြင့် ဖွဲ့စည်းလိုက်ပြီ ဖြစ်သည်။ ဒုတိယအကြိမ် စစ်ကိုင်းဖိုရမ်အား ဇန်နဝါရီ ၃ ရက်မှ ၅ ရက်အထိ ပြုလုပ်ပြီးနောက် နိုင်ငံရေး၊ စစ်ရေး၊ လူသားချင်းစာနာထောက်ထားရေး၊ လူမျိုးစုနှင့် ၂၀၂၀ ရွေးကောက်ခံ စသည့ အစုအဖွဲ့ ငါးခုမှ ကိုယ်စားလှယ်များအား ဖိုရမ်မှ ဖွဲ့စည်းတာဝန်ပေးအပ်ခြင်း ဖြစ်ကာ လတ်တလောတွင် ၂၀၂၀ ရွေးကောက်ခံအစုအဖွဲ့များနှင့် ပါဝင်နိုင်သေးခြင်း မရှိပေ။
ပထမအကြိမ် ဖိုရမ်၌ တိုင်းအတွင်းရှိ အင်အားစုများ စုပေါင်းထားသည့် အစုအဖွဲ့ ပေါ်ပေါက်ရေးဟူသည် နိုင်ငံရေးရည်မှန်းချက် ချမှတ်ထားကာ ယင်းရည်မှန်းချက် အကောင်အထည်ဖော်သည့်အနေဖြင့် ဒုတိယအကြိမ် ညီလာခံ၌ စစ်ကိုင်းဖက်ဒရယ်ကောင်စီ (ရှေ့ပြေး) ဖွဲ့စည်းရေး မူဘောင်များအား ပြင်ဆင်ဖြည့်စွက်၊ အကြံပြုချက်များဖြင့် အတည်ပြုလိုက်ပြီလည်း ဖြစ်သည်။