ပြည်တွင်းရေး အခင်းအကျင်း၊ အဖြစ်အပျက်များအား စစ်ရေးဖြင့် ဖြေရှင်းသည်ထက် နိုင်ငံရေးနည်းလမ်းများဖြင့် ဖြေရှင်းရန် အမြဲတမ်းအသင့်ရှိကြောင်း ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) က ဒီဇင်ဘာ ၂၉ ရက်တွင် ထုတ်ပြန်လိုက်သည်။
အမှတ် (၁၈/၂၀၂၄) ဖြင့်ထုတ်ပြန်ရာ၌ "အာရက္ခ ပြည်သူ့တော်လှန်ရေးအစိုးရ"ဟု ထည့်သွင်းဖော်ပြထားကာ တိုင်းရင်းသားညီအကိုများ၏အကောင်းဆုံး ညီအစ်ကိုမိတ်ဆွေအဖြစ် ဆက်လက်ရပ်တည်မည် ဖြစ်ကြောင်း၊ တရုတ်နိုင်ငံ၏ တက်ကြွသော ဦးဆောင်မှုအောက်၌ တရုတ်-မြန်မာနယ်စပ်ဒေသ တည်ငြိမ်ရေး၊ အကြမ်းဖက်မှု ပပျောက်ရေး၊ အွန်လိုင်းလောင်းကစား (ကျားဖျင်) တိုက်ဖျက်ရေးကဏ္ဍများတွင် ကိုးကန့်၊ တအာင်းအဖွဲ့အစည်းများနှင့်အတူ ဟိုင်ဂင်သဘောတူညီချက် ရရှိသည်အထိ တက်တက်ကြွကြွ ပူးပေါင်းပါဝင်ခဲ့ပြီးလည်းဖြစ်ကြောင်း ထုတ်ပြန်ချက်၌ ဖော်ပြထားသည်။
