အကြမ်းဖက်စစ်အုပ်စု တိုက်ခိုက်မှုများ ကာကွယ်ရန် ချင်းအမျိုးသားတပ်ဦး - CNF ၊ မြို့နယ်ကာကွယ် ရေးတပ်ဖွဲ့ ကိုးဖွဲ့၊ ဒေသကာကွယ်ရေးအဖွဲ့ ခုနစ်ဖွဲ့၊ CDF KKG ၊ စုစုပေါင်း ၁၈ ဖွဲ့ဖြင့် ၂၀၂၁ ခုနှစ် သြဂုတ်လအတွင်းက စတင်ပူးပေါင်းဖွဲ့စည်းထားသည့် Chinland Joint Defense Committee – CJDC  အား ၂၀၂၃ ခုနှစ် ဒီဇင်ဘာ ၁၅ – ၁၆ ရက်တွင် ပြုလုပ်သည့် အစည်းအဝေးအပြီး ဖျက်သိမ်းလိုက်ပြီ ဖြစ်သည်။

ချင်းပြည်နယ်ကောင်စီဥပဒေအရ ချင်းပြည်နယ်အစိုးရအောက်၌ ကာကွယ်ရေးတပ်တစ်ခုတည်းရှိရမည် ဖြစ်သည့်အတွက် ထိုသို့ ဖျက်သိမ်းလိုက်ခြင်းဖြစ်ကာ လက်ရှိအဖွဲ့အစည်းများအတွင်းမှ ၁၄ ဖွဲ့မှာ ကောင်စီ၌ ပါဝင်ရန် အလားအလာ ရှိကာ ကျန်အဖွဲ့များမှာမူ သီးခြားရပ်တည်ဖွယ် ရှိသည်။ CJDC အစည်းအဝေးသို့ အဖွဲ့ဝင် ဖြစ်သည့် CDF-Daai ကမူ တက်ရောက်ခဲ့ခြင်း မရှိပေ။