၂၀၂၅ ခုနှစ်အတွင်း စစ်ကိုင်းတိုင်း၌ စစ်ဆင်ရေးအရှိန် တိုးမြှင့်ဖော်ဆောင်ရန်အတွက် တပ်မဟာသစ်အား ဖွဲ့စည်းလိုက်ပြီဖြစ်ကြောင်း ပြည်သူ့ကာကွယ်ရေးတပ်မတော် - မန္တလေး (MDY-PDF) က ဒီဇင်ဘာ ၃၀ ရက်တွင် ထုတ်ပြန်ကြေညာထားသည်။

စစ်ဦးစီးအဖွဲ့၏ ထုတ်ပြန်ချက်၌ စစ်ကိုင်းတပ်မဟာ၌ လာရောက် ပူးပေါင်းမည့် စစ်သည်တော်နှင့် မိတ်ဖက်တော်လှန်ရေးတပ်ဖွဲ့များအား ကြိုဆိုဖိတ်ခေါ်ကြောင်း၊ ဒေသတွင်း တော်လှန်ရေးတပ်ဖွဲ့များနှင့်လည်း စစ်ဆင်ရေးများအား ဟန်ချက်ညီ ပူးပေါင်းဆောင်ရွက်ရန် အဆင်သင့်ရှိကြောင်းလည်း ပါရှိသည်။