အကြမ်းဖက်စစ်အုပ်စု အာဏာသိမ်းပြီး တစ်နှစ်ခွဲအကြာ အပြောင်းအလဲနှင့် စိန်ခေါ်မှုများအပေါ် နိုင်ငံအနှံ့ရှိ အမျိုးသမီးခေါင်းဆောင်များ၏ ခံယူချက်များအား "Building The Triple Resistance” အမည်ဖြင့် အမျိုးသမီးများအဖွဲ့ချုပ် (မြန်မာနိုင်ငံ) (WLB) က ဇန်နဝါရီ ၄ ရက်တွင် ထုတ်ပြန်လိုက်သည်။
စစ်တမ်း၌ အာဏာသိမ်းမှုကြောင့် ပုဂ္ဂိုလ်ရေးအရ သက်ရောက်မှု၊ ပါဝင်မှုပုံစံသစ်နှင့် တာဝန်ယူမှု၊ တာဝန်ခံမှုပုံစံသစ်များ၊ အမျိုးသားသာ ပါဝင်လေ့ ရှိသည့် နယ်ပယ်၌ အမျိုးသမီးများ ပါဝင်လာမှု၏ အကျိုးအမြတ်၊ အပြောင်းအလဲများနှင့်အတူ အမျိုးသမီးအဖွဲ့အစည်းများအတွင်း လိုက်လျောညီထွေဖြစ်အောင် ပြန်လည်တည်ဆောက်ခြင်း၊ အမျိုးသမီးများအတွက် ဦးစားပေးလုပ်ဆောင်ရမည့် ကိစ္စရပ်များ စသဖြင့် ကဏ္ဍများခွဲ၍ စစ်တမ်း၌ ဖော်ပြထားသည်။
