မြန်မာနိုင်ငံ ရှမ်းပြည်မြောက်ပိုင်းနှင့် အရှ့တောင်ဘက်၌ တိုင်းရင်းသားတော်လှန်ရေးအဖွဲ့အစည်းများ၊ မဟာမိတ်ပူးပေါင်းတပ်များနှင့် အကြမ်းဖက်စစ်အုပ်စုအကြား အောက်တိုဘာ ၂၆ ရက်မှစ၍ စစ်ရေးပဋိပက္ခ ပြင်းထန်လာကာ ပြည်သူ ၂၅,၇၀၀ ခန့် အိုးမဲ့အိမ်မဲ့ စစ်ရှောင်နေကြရသည်ဟု UN-OCHA က ထုတ်ပြန်ထားသည်။
ရှမ်းမြောက်ဒေသ မြို့နယ် ၂၂ ခုအနက် ကိုးမြို့နယ်၌ တိုက်ပွဲများဖြစ်နေကာ စစ်ရှောင်ပြည်သူ ၂၃,၀၀၀ ကျော် ရှိနေပြီး ယခင်ရှိပြီး စစ်ရေးပဋိပက္ခများကြောင့် ၃၇,၄၀၀၀ ကျော်အထိ ရှိလာနေပြီ ဖြစ်သည်။ စစ်ရေးပဋိပက္ခကြောင့် ကူးသန်းသွားလာရေးလမ်းကြောင်းများအား နှစ်ဖက်တပ်များက ပိတ်ဆို့ထားသည့်အပြင် ဆက်သွယ်ရေးလိုင်းများပါ ဖြတ်တောက်ခံထားရသည်။ ရှမ်းမြောက်ဒေသ IDP များအား ရပ်ရွာအခြေပြု လူမှုအဖွဲ့အစည်းများနှင့် ဒေသခံများက ထောက်ပံ့ကူညီမှုများ ပြုလုပ်နေသော်လည်း စစ်ရှောင်တိုးလာသည်နှင့်အမျှ ကူညီနိုင်မှု အကန့်အသတ်မှာ ကြီးမာလာလျက်ရှိသည်။