မကွေးတိုင်း၊ ဂန့်ဂေါမြို့နယ်အတွင်းရှိ အမျိုးသားညီညွတ်ရေးအစိုးရ (NUG) လက်အောက်ခံ "ပ" သုံးလုံးအဖွဲ့များအား ပြန်လည်စိစစ်ကာ လူထုရွေးချယ်မှုဖြင့် ပြင်ဆင်ဖွဲ့စည်းရန် အချိန်ကျပြီဟု ယောကာကွယ်ရေးတပ် (YDF) ဗဟိုစစ်ရုံးချုပ်က ဇန်နဝါရီ ၂၉ ရက်တွင် ထုတ်ပြန်တိုက်တွန်းလိုက်သည်။
“ပ"သုံးလုံးအဖွဲ့များဖြစ်သည့် ပြည်သူ့အုပ်ချုပ်ရေးအဖွဲ့၊ ပြည်သူ့ကာကွယ်ရေးအဖွဲ့နှင့် ပြည်သူ့လုံခြုံရေးအဖွဲ့များသည် မြို့သိမ်းတိုက်ပွဲ အကြောင်းပြ၍ တာဝန်ယူမှု၊ တာဝန်ခံမှုမရှိဘဲ ငွေကြေးခွဲတမ်း ကောက်ခံခြင်း၊ ယင်းကို ဖြေရှင်းရန် မိုးကျရွှေကိုယ် အခွင့်အရေးသမားများအား ဖယ်ထုတ်ကာ အာဏာအလွဲသုံးစား ကိုယ်ကျိုးရှာမှုကို ရပ်တန့်နိုင်မည် ဖြစ်ကြောင်း၊ YDF အနေဖြင့် ပြည်သူနှင့် တသားတည်းရပ်တည်ကာ ပြည်သူ့ဆန္ဒနှင့်အညီ အုပ်ချုပ်ရေးအဖွဲ့များ ပေါ်ပေါက်လာရန် ကူညီသွားမည်ဖြစ်ကြောင်း ထုတ်ပြန်ချက်၌ ဖော်ပြထားသည်။
